PHULLEN HISTORICAL SOCIETY IN PHULLEN DOCUMENTARY A SIAM MEK

Phullen Documentary siam mek Reports -

Lalbuatsaiha, Secretary, PHS

Phullen Historical Society chairman Pu Vanthuampuia remhriatna leh hmelhriat neih zarah Doordarshan Aizawl te nen Phullen Documentary (Film) siam tum a ni a. Telephone hmanga Chairman Pu Vanthuampuian DDK lam a lo dawr tawhna chu March ni 7, 2018 Wednesday khan Pu Vanthuampuia leh Pu Lalbuatsaiha te chuan Doordarshan Aizawl thuneitute chu a an office ah kalin an dawr chiang a. Hemi tum hian Phullen Documentary Film script tur an theh lut nghal a.

Doordarshan lam hotute hian Central lamin Programme a siam thar My Village tih hnuai atangin Phullen Documentary chu siam ni se. Mahse financial year tawp a nih avangin, financial year thar 2018-2019 ah chauh pawisa an sanction theih tawh thu an lo sawi a. Chumi huna ti tur chuan inpuahchahna kalpui a nit a a. Thlalatu (Cameramen) turin Doordarshan lam mi tho, thlalak thiam leh Documentary siam lama mi thiam tak Pu C. Lalduhawma Camera & Editor, DDK chu dawr zui nghal a ni a. Pu C Lalduhawma hnenah hian Phullen Documentary Script pawh pek ve nghal a ni a.

Doordarshan lamin kan Documentary Film siam tur an lo pawm takah chuan theih ang angin inpuahchah nghal a ni a. Phullen Documentary a nih avangin thil thleng pakhat chu thui tak a tih lan theih loh na a Khandaih Harhna bik erawh chu kimchang deuh taka Drama a chan a, video a cover ni se, Khandaih harna video kha a hranin neih phah kan duh thu Pu Ld-a kan hrilh bawk a. Tichuan Camera & Editor Pu C Lalduhawma chuan Script kan theh luh atangin Plot hrang hrang – Drama a chan tur leh Thlalak ringawt a neih tur chi te a rawn thur chhuak vek a.

Phullen Documentary a Drama – Sangha Tlangvuak leh tul dangte siam tur hian Phullen leh Phulleng vengthar Kohhran Pavalai Pawlte sawm an ni a. Pavalaiho hian Khandaih Harhna Sub-Committee dinin Upa Lalrinzauva Phullen Kohhran chu Chairman a ni a, Pu F. Vanlalsanga chu Secretary a ni a. Anni ho hian Pu Vanthuampuia Chairman PHS leh Pu Lalbuatsaiha Secretary PHS te chu Convener atan an ruat bawk a.

Tichuan May ni 2, 2018 Nilaini khan Chairman Pu Thuampuia chu Aizawlah chhukin DDK lam mi pahnih leh kan society hruaitu Pu Lalbuatsaiha Secretary, Tv Lalsiamkima Info. Secy, Tv PC Ramdinthara Asst Secy  te nen tlai dar 3:00 PM ah Phullen panin an chhuak a. Tv PC Ramdinthara Asst Secretary hian a motor Bolero a thawh chhuak bawk a. Tichuan Motor pahnihin Phullen an pan a, thlen veleh Pavalai Pawlte nen inhmukhawmin inpuahchahna chu thlirho a ni a. Ruah tam tak a sur avangin rilru a chi-ai duh hle a. Mahse tawngtaina nen Pathian hnenah dilin hun hman zel a ni a.

Sangha tlangvuak lem channa a mitur Sangha, Pavalai ho chah a lo thlen tak loh avangin Sangha vuak ni tur 3.5.2018 tuk zingah Saitual a mi Tv PC Ramdinthara Asst Secretary chuan, a Motor in a la leh vang vang a. Tichuan May ni 3, 2018 Thursday chuan Tuivaiah Sangha tlangvuak lem an chang ta a.

May 3, 2018 Thursday:

    Zingkarah Sahlam, Vanhnuaithata Lungdawh leh Hmunte tlang lungpanga thil inziak te tlawhin thla lak a ni.

Tukthuan eikhamah Tuivaiah Sangha Tlangvuak leh Khandaih Harhna thlen tan dan a lem chan a ni. Zing dar 9:30 AM hian Society ten phungbawm atana an sawm Kohhran Pavalai pawl – Phullen leh Phullen vengthar Kohhran ten Tuivaiah Sangha Tlangvuak lem chang turin an chhuak a. Sangha vaw tura chhuakten Sangha manna tur Ru (a lem), ui pum tiat theuh an ak chhuak bawk a. A hunlai Mizo inthuamna ang thei ber tur nen an chhuak a. He Sangha Tlangvuak lem chang tura Tuivai a kalte hi –

1. Pu Vanengmawia
2. Pu Lalrinzuala
3. Pu V. Lalnuntluanga
4. Pu Lalrinenga
5. Pu Lalchuanga
6. Pu PC Lawmkima
7. Pu V. Sawma
8. Pu Hmingthanzauva Zote
9. Pu PC Lianhela
10. Pu C. Lalvunga
11. Pu H. Lalrinngheta
12. Pu Masthanga
13. Pu K. Lalthlamuana
14. Pu PK Lalthankima
15. Pu BT Lalhruaitluanga
16. Pu Tlanhmingthanga
17. Pu Lalnunthara
18. Pu Laldangvela
19. Pu Chawngkhawliana
20. Pu Thiawnga
21. Pu B. Lalhriatpuia         VCP, Phullen
22. Pu B. Vanlallawma
23. Pu B. Lalhmingsanga
24. Pu C. Lalthangmawia
25. Pu R. Pakunga
26. Pu R. Lalhmunsanga
27. Pu C. Lalneihzauva
28. Pu Lalhuntiama
29. Pu Lalbiakzama
30. Pu H. Kapliana
31. Pu Lalhmunenga
32. Pu F. Mansanga
33. Upa Lalrinzauva         Chairman Sub Committee
34. Pu R. Lalthanzama
35. Pu Romawia
36. Pu Lalrempuia
37. Tv Lalhruaizela
38. Tv P Lalfakawma
39. Tv Lalnunhlua
40. Tv Lalnundika
41. Upa J. Liankhama       
42. Pu PL Vanlalhruaia
43. Pu Lalnghinglova
44. Pu Lalhnehzauva
45. Pu Zoramthanga
46. Tv Lalrotlinga
47. Pi H. Lalramthari        Ei siamtu
48. Pi PB Lalruatmawii        Ei siamtu
49. Pi Hmingthanmawii        Ei siamtu
50. Tv Lalsiamkima        PHS
51. Tv PC Ramdinthara        PHS
52. Pu Lalruatsanga Pautu        PHS
53. Pu Vanthuampuia        PHS
54. Pu Lalbuatsaiha        PHS
55. Tv Zachhunga            DDK
56. Pu C. Lalduhawma         DDK Camera & Editor

He Sangha Tlangvuak lem channa Tuivaiah hian heng a hnuai a mite hian mahni intumin an motor an thawh a ni –

1. Pu H. Tlanhmingthanga    Pick-up Motor
2. Pu H. Lalrinngheta        Pick-up Motor
3. Pu V. Lalnuntluanga        Pick-up Motor
4. Pu Lalnunthara        Pick-up Motor
5. Pu B. Lalhriatpuia        Pick-up Motor
6. Pu Lalbiakzama        Pick-up Motor
7. Tv PC Ramdinthara        Bolero   

May 4, 2018 Friday

Hemi ni hian Phullen khawchhunga hmun pawimawh hrang hrang leh Office thenkhatte tlawh a, interview neih nghal a ni. Hemi ni a tlawhte –

1. Zingkarah Khandaih, Bethel hmun, kulhkawn, Pengthuamthum, Lal Awksarala thlan leh Biak In hmun hlui (Paihte vengtlang) tlawh a ni.
2. Chaw eikhamah CDPO, ICDS, Social Welfare Deptt office tlawh a ni a, CDPO interview nghal a ni.
3. Phullen Public Playground a MLA Invitation Football Tournament awm mek chu video a cover nghal a ni a. Organising chairman Pu Lalthangmawia Phullen, GSA leh Phullen zone football hruaitu hlun tak chu interview nghal a ni.
4. Primary Health Centre (PHC) ah kal lehin Medical Officer Pi Zoliankimi Ngente chu interview nghal a ni.
5. Block Development Officer (BDO) office ah kalin, office hmun hma leh thawktute thla lak a ni a. BDO hi a awm loh lai a nih avangin interview chu remchang danga neih mai tura dah a ni.
6. Chawhnu dar 2:00 PM ah shooting neih leh tura ruahman chu khua in min bumro a, field ah inkhel kan en a, shooting kan nei thei ta lo.

May 5, 2018 Saturday:

1. Zingkarah Sahlam a Mi lu an khai lai lem chan a ni a.
2. Zingkarah vek hian Liankhama Sailo hun laia a fapa Vanhnuaithata thih thu te, Hmar nawr tura ro an rel laite, Vanphunga khua khandaih a Kristianna lo luh tan dan leh Kristianna tih rem tuma rorel laite, Zosapthara leh Zosaphluia ten Khandaih an tlawh laite, Khuma leh Duma ten Pathian thu hrila Khandaih an tlawh te, Vanphunga pianthar thute Drama a changing shooting neih a ni.

7. Chhun lamah -  High School building leh hmun hma te tlawh a ni a, chumi hnuah PWD Inspecting Bungalow tlawh a ni a, a hmunhma leh building thla te lak a ni.
8. Village Council President Pu B. Lalhriatpuia chu VC House tualah Interview neihpui a ni a, chumi hnuah Branch YMA President Pu J. Pachhunga interview leh a ni.
9. Christian Children School, Anganwadi-II, Primary school etc te tlawh leh a ni bawk.
10. Saichawnkhupan Laksang pawh hmanga nula hmeltha nupui a a neih dan lemchan a ni.

May 6, 2018 Sunday:

1. Phullen tualchhunga Kohhran awm hrang hrang – Presbyterian Kohhran (Phullen & Phullen vengthar), Salvation Army, Baptist, UPC NEI te tlawh kualin Kohhran aiawhte Interview neih a ni.
2. Vanphunga Sailo leh a upa ten Mawmrang tlang huai lal Sahmula an be lai drama chan a ni.

Heta kan sawi lan bak pawh hi, a remchan ang zeal shooting neih nghal zel te a awm a. Tin, la tih loh pawh a la awm nual bawk a, YMA Day ah emaw remchang zawn leh a ni ang. He kan Documentary siamna a, kan thlen chin chinah pawh hian lawmna tur tam tak a awm a.  Mi inphal, hun leh tha mai bakah, sum leh pai senga thawk chhuak tinte, ruahmannate a hlawhtlinna tura phur taka thawk chhuak thinte chungah Phullen Historical Society chu a lawm tak meuh meuh a ni.

***************************