PHULLEN DOCUMENTARY FILM : 3RD SHOOTING @ FALKAWN ZOKHUA

Vawiin 1st July Pathianni chhun khan Phullen Historical Society (PHS) ten Phullen Documentary kan siam mek chu 3rd Shooting neih leh a ni a. Tun ṭumah hian Interview deuh chauh a nih avangin Falkawn a Zokhua ah Art & Culture Deptt hotute phalnain interview hi neih a ni.

Phullen Documentary Film 3rd Shooting ah hian, Documentary a Resource person interview lai lo lang tel ve zeuh zeuh tur shooting neih a ni ber a. PHS Chairman Pu Vanṭhuampuia leh Secretary Pu Lalbuatsaiha te chu Resource Person ah an ṭanga, interview neihpui an ni.

Falkawnah hian Phullen Historical Society (PHS) aṭangin Chairman Pu Vanṭhuampuia leh Fin. Secretary Tv Lalnunzira Zote leh Secretary Pu Lalbuatsaiha te an kal a. Shooting neihnaa kalnan hian Chairman Pu Vanṭhuampuian a Motor a thawhchhuahpui leh a. Tin, DDK lam aṭanga kal Cameramen Pu Lalduhawma (LD-a) leh Tv Zachhunga (Chhunga, Thanglailung) te pawh, anmahniin Motor an rawn intum bawk.

Shooting nei tur hian chhun dar 12:00 ah Aizawl aṭangin kan chhuak a. Tluang tak leh hlim taka hun hmang hoin, shooting hlawhtling tak neih a ni a. He shooting neihna tura inpuahchahnaah Secretary Pu Lalbuatsaiha chuan a kawng a herh hlauh a. Shooting neih naah hian Tiang nen a kal kun dau dau nghe nghe a ni. Tlaiah PHS Chairman Pu Ṭhuampuia nupui Pi Tete-in Shooting neihnaa kalte pualin zanriah chawhlui min siam sak a. Hlim tak leh puar takin kan ei a. Tun hi Pi Tetein PHS puala chaw ei min siamsak vawi hnihna a ni a, a chungah PHS te kan lawm tak zet a ni.

Tihian Phullen Documentary kan siamna a shooting ngai chu kan zo thawkhatah kan ngai a. Tih hmaih palh emaw tih ṭhat ngai emaw a awm chuan tih leh a ni ang a. Chuti a nih loh a, shooting neihsa te enfiah hnua a ṭhat chuan, shooting chu zofel a ngaih a ni tawh ang.

Secretary

Phullen Historical Society (PHS)