PHULLEN VC ELECTION 2020-AH MNF AN CHAK. CANDIDATE-TE VOTE HMUH DAN HETIANG HI A NI

 

Phullen VC 2020-2025 tura thlan tlinte

Ni 27.8.2020 chhun khan Phullen Village Council inthlan chu Phullen Community Hall-ah tluang taka neih a ni a. Phullen a vote awm zat hi 1457 a ni a, chuta tang chuan vote 1133 a tla a. Vote awm zat atanga vote tla zat parcentage hi 77.76% a ni. Kum 2015 khan vote awm zat 1354 atangin vote 1017 a tla a, chu chu 75.11% a ni a. Kumin 2020 hian 2015 inthlan aiin vote a tla tha hret a, vote a thlak that zawkna percentage hi 2.65 a ni.

Phullen VC inthlan 2020-a Candidate-te vote hmuh dan chu hetiang hi a ni:

 

Slno. Hming                           Party      Vote     Vote %

1. Pu Lalzikpuia                     MNF      604        53.31%

2. Pu Vanzairemmawia          MNF      563        49.69%

3. Pi Lalchhandami                MNF      559        49.33%

4. Pu Zoramhmangaiha          MNF      505        44.57%

5. Pu B.Lalhriatpuia               Cong      478        42.19%

6. Pu PC Malsawmhlua          MNF      474        41.83%

7. Pi H.Lalsawmliani              Cong      536        47.31%

8. Pu T.Lalruatmawia             Cong      395        34.86%

9. Tv PK Lalsangliana            BJP        299        26.39%

10. Pu Lalawmawia                Cong      287        25.33%

11. Pu PB Lalhmangaihzuala ZPM      202        17.83%

12. Tv PB Lalhriatpuia           ZPM      202        17.83%

13. Pu Lalrindika                    ZPM      111        9.80%

14. Pu C.Lalramzauva            ZPM      102        9.00%

 

Tichuan, Phullen Village Council Inthlan 2020-ah seat 5 awm atangin MNF chuan seat 4 lain sawrkarna a siam theia, Congress-in seat 4 a la thung a ni. Hengte hi kum 2020-2025 chhung atana Phullen Village Council tura thlan tlinte chu an ni:

1. Pu Lalzikpuia                     MNF   

2. Pu Vanzairemmawia          MNF   

3. Pi Lalchhandami                MNF

4. Pu Zoramhmangaiha          MNF

5. Pu B.Lalhriatpuia               Cong

 

MNF atanga thlan tlin zingah Pu Vanzairemmawia hi VC Secretary leh Vice President lo ni tawh a ni a, midangte hi chu vawi khat VC nihna tur an ni hlawm a. Congress leh BJP tangdun atanga thlan tlin Pu B. Lalhriatpuia (Congress) hi VC Secretary ni tawh leh VCP ni lai mek a ni bawk.

Heng thlan tlinte hian Phullen Village Council chu siamin, sawrkar thuchhuak ang chuan, September ni 4, 2020 ral hmain an insiam fel dawn a ni. Inthlanna tlingte kan lawmpui a, tling ve ta lote pawh, khawtlang tana an inhuamna kan ngaihlu hle.

 

 

Buata Bawihtlung

Dt 28.8.2020, 00:50 AM